From Slp

Slovjani, najviše velika semja od evropejske narodi, s naselenje više veliko než 250 milioni l'udi, ktore žijut najviše veliko v Voshodna i Sredn'a Evropa, v velika čast' od Balkanski Poloostrov, i za Ural'ske Gori v Azija.

Slovjanska jazična grupa s jej mnoge dialekti, jest' čast' od semja od indoevropejske jaziki. Tamta grupa može bit' rozdelena v voshodnoslovjanka vetv, ktora jest' formovana od ruski, beloruski i ukrajinski jaziki; zapadnoslovjanska vetv, ktora jest' formovana od pol'ski, česki i slovacki jaziki; i južnoslovjanska vetv, ktora jest' formovana od slovenački, serbskohorvatski, makedonski i bulgarski jaziki.

[edit] Počatok od Slovjani

Rane slovjani bili nejaka grupa od zemjedel'niki i pasniki, ktore žili v blota i lesi od tutčasne Voshodna Pol'ska, Zapadna Rosija, Belorusija, i Ukrajina. Od okolo god 150 n. e., slovjanske plemena počali rozšir'at' sa v vse stroni. Na sever, oni šli po reki prez lesi od tutčasna Rosija, i zajmovali teritorija naselena od finske i baltijske narodi, i mnoge iz nim oni asimil'ovali. Na zapad, oni stretili germanske i kel'tske plemena i zajmovali mnoge zemji od Sredn'a Evropa. V sedmo stoletije Slovjani dosegnuli na jug aždo Jadransko i Egejsko mora. Nasledujuče dve stoletja oni naselili najviše velika čast' od Balkanski Poloostrov, potom čast' od Bizantska Imperija, vimeščajuče mestno naselenije, i slovjanujuče pribivajuče narodi (na primer Protobulgari). Na voshod, v konec od 16o stoletije, Rusi už obezpečili opora za Ural'ske Gori v Azija, a v 19o stoletije slovjanska kul'tura dosegnula Tihi Okean.

[edit] Religija i kul'tura

Jesli drevne Slovjani pravdopodobno mali značna rasna i kul'turna homogennost', tutčasne Slovjani su spojene glovno po ih jazično rodstvo i soznanje od ih jedini počatok. Široki kontakt s rozlične narodi mal gluboki efekt na rasni i kul'turni rozvoj od Slovjani. Tutčas, slovjanske narodi demonstrujut više velika roznorodnost' i v ih fizični tip i kul'tura než vsejaka ina grupa od Evropejčiki.

Hristijanstvo bilo najpervo predstaveno k Slovjani od grecke misionari v 9o i 10o stoletja. Ale slovjanski religiozni rozvoj premenil sa posle rozdelenje od voshodna i zapadna cerk`vi v god 1054. Slovjani stali objekt od bor'ba medžu rimski katolicizm i voshodna pravoslavna cerkev. Katolicizm i zapadna kul'tura pobedili vsred Pol'aki, Slovaki i Čehi (hot' više pozdno Čehi značno mali na sobe efekt od reformacija, i tutčas oni su jedinstveni slovjanski narod s velika protestantska menšina). Na Balkani, Sloven`ci i Horvati dali ih vernost' k rimski katolicizm i padli v sfera od central'noevropejska civilizacija. Serbi, Makedon`ci, Bulgari i množinstvo od Voshodne Slovjani sjedinili sa k pravoslavna cerkev, i prijmali mnoge aspekti od bizantska kul'tura, vkl'učajuče adoptaciju dl'a sobe od grecki alfabet (kirilica).

V 14o stoletije Tur`ki Osmani pokorili velika čast' od južnovoshodna Evropa. Kraji, ktore tutčas su Bosnija i Hercegovina, Bulgarija, Horvatija, Makedonija, Serbija i Černogora ostavali sa pod turecka vlada aždo god 1912. Četiri stoletja od turecko dominovanje mali gluboki efekt na balkanske Slovjani, mnoge iz ktore bili nasil'no konvertovane v Islam. Tutden', množinstvo od slovjanske musul'mani žijut v Bosnija i Hercegovina i Južna Bulgarija.

Hot' Slovjani iztvorili nekol'ko srednevečne krolevstva medžu 9o i 11o stoletja, velika čast' od ih posledujuča istorija bila harakterizovana od pokorenost' k ine deržavi. Tutčasne slovjanske štati pomnogo su rezul'tat od rozrušenije od Avstro-Vengrija i Osmanska Imperija posle perva svetna vojna. Izkl'učajuče Čehi, Slovjani prevažno ostavali agrarne narodi aždo sredina od 20o stoletje. Posle druga svetna vojna, množinstvo od slovjanske narodi padlo pod sovetska sfera od vlada, i marksistične vladsva tvorili ambicijne programi od industrializacija i urbanizacija. V konec od 1980e i počatok od 1990e godi, s rozrušenije od Sovetski Sojuz, mnoge evropejske štati pošli k nezaležne demokratične vladstva. V nektore kraji, osobo v bivša Jugoslavija, tuttoj prehod inicioval konflikt medžu Slovjani od rozne nacional'ne i religijne grupi.