Estrepeya

From Estrepeya

Estrepeya es una inciplopeya libri en estremeñu basá ena tennulohía güiqui. Estrepeya s'escribi de mó i maea colabutativa pol mé voluntarius, premitiendu que la gran mayoría e los indirguis seyan moificáus pol cualisquiel presona con acesu através dun navegaol güé. El proyetu tuvu nacencia el 24 d'eneru e 2007, hundá pol Ánhel Ronceru. La mayol parti los indirguis d'Estremepeya son traucionis de la Wikipedia, inciclopeya e conteníus libris. Nesta güé s'intenta dal a conocel Estremaúra pol mé su luenga, el estremeñu. Uguañoti namás s'almitin indirguis qu'afetin a Estremaúra, nu de la su cultura namás, sinu tamíen de los sus pueblus, noticias, envestigacionis científicas, i tal i más.

Contents 1 Etimulohía 2 Caraiterística 2.1 Eición 3 Políticas 3.1 Neutraliá e conteníus 4 Presonal 4.1 Proyetus helmanus

[edit] Etimulohía

La parabra Estrepeya se costruigó endi:

• Estre, que provié Estremaúra,
• peya, horma estremeña que provié paideia, educancia en griegu crásicu.

[edit] Caraiterística

El lema e Estrepeya es «¿Si ties conocencia e tu cultura, pol qué nu la ties de la tu palra?», i puemus descrebila comu «un hirón pa distribuyil la conocencia e la realiá estremeña en la su popria palra, ena que tós los estremeñus puean colabutal, tantu ena su espansión, comu nel crecimientu el parabreru estremeñu pa consiguil concencialmus de que habemus derechu e palral en estremeñu. Es desarrollá nel sitiu güé editthis.info/estrepeya hidiendu usu dun software güiqui, nel serviol editthis.info, ondi se puei criar cualisquiel güiqui a gastus pagu i sin denguna restrición. Con esta Güé queremus que la comuniá estremeña tenga acesu a los conteníus e la Wikipedia que palran al tentu la su tierra en su popria luenga, ya que la Wikipedia mesma, nu premiti pol agora la crianza duna versión en estremeñu.

Desistin tres caraiterísticas esencialis del proyetu Estrepeya que definin su hunción ena Güé:

1. Es una inciclopeya, entendía comu soporti que premiti arrehuntal i trasmitil la inhormación de horma estruturá.
2. Es un güiqui, polu que, con una miahas ececionis, pué sel eitá pol cual cualisquiel presona.
3. Es de conteníu abiertu i gasta la licencia GFDL.

Estrepeua tié un hadi políticas qu'estruca qué inhormación s'ebi encluyil u nu. Estas políticas se gastan pa resolvel enfrontilacionis al tentu e añiyil, revisal, trasferil u esborral indirguis.

[edit] Eición

En Estrepeya cualisquiel presona pué criar un indirgui nuevu en estremeñu i abati cualisquiel vesitanti pue eital el conteníu, acetu los indirguis que s'atopin protehíus. Esti proyetu hue criáu cola idea deque la colabutación entri usuarius pola más mehora dun indirgui duranti un tiempu proucirá testus de caliá, a semilitú e los proyetus de desarrollu d'apricacionis libris. Los indirguis volucionan a través del tiempu i estu es visibri en su estorial d'eicionis. Avedis, es capás de c'angunas presonas veyan nestu la posibiliá d'eital un resuelgu pa molestal, i se proucin vandalismus i guerras d'eicionis.

[edit] Políticas

1. Ebíu a la diversiá i númiru e participantis e ideoluhías, Estrepeya trata e costruil los sus indirguis de la horma más esaustiva posibri. El ohetivu nu es escrebil indirguis endi un puntu e vista, sinu prehental abiertaenti cá postura al tentu un atelmináu tema e Estremaúra.
2. Se gastan un númiru e convencionis tocanti al huchéu e indirguis, otandu preferentienti pola versión más gastá comunmenti.
3. Las discusionis al tentu el conteníu i eición dun indirgui acontecion enas páhinas e discusión i nu nel indirgui mesmu.
4. Desistin un númiru e temas que son hundeáus pa huera e Estrepeya, pol nu sel indirguis incliclupéyicus estritaenti palrandu. En sabulugal, Estrepeya nu contié definicionis d'idionarius (comu verbus, ahetivus, i tal i más), que puen atopalsi aína nel proyetu Estrenariu.

[edit] Neutraliá e conteníus

Es común c'angunas presonas veyánse danguna maea ofendías pol ideoluhías políticas u puntus de vista deferentis u que chocan escontra la sus opinionis hormás. Vélaila la concausa pola cuala Estrepeya crecel gracias a los hironis pol enhieltal una neutraliá ena conocencia.

Ya que es imposibri que la conocencia seya asoluta i neutral nangunus indirguis, ebi ehalsi el ergullu presonal pa huera pa dal pasu al proyetu Estrepeya premitiendu la libertá dun pensaeru.

Es emportanti sabel i conocel que naidi es dueñu e dengún indirgui espuestu en Estrepeya.

[edit] Presonal

Los colabutaoris d'Estrepeya atúan decontinu de maea voluntaria. Ain varias hormas de colabutal amás de crial u amplil indirguis, se puen aplical las convencionis d'estilu establecías pa aquellus indirguis que nu las tien, asiahalus pol materia, correhil fartas d'ortugráficas, hundeal testus con copyright, i tal i más.

Pa colabutal nu es mestel rehistralsi inque a los usuarius que nu lo hadin se les linda ciertas acionis, comu votal ena toma e decisionis. Angunus colabutaoris tien la capaciá d'aconllegal angunas operacionis estra, comu el esborráu d'indirguis, el bloquéu de páhinas, i tal i más. Sin embargu, estus usuarius nu tien capaciá e decisión mayol que la de cualisquiel algotra presona i sus acionis s'ebin ahustal a las políticas adotás pol toa la comuniá.

[edit] Proyetus helmanus

Prósimaenti se criarán algotrus proyetus al respetivi de Estrepeya, comu puen sel Estrenariu u Estretestus. Uguañoti namás son una idea, peru cola ayúa de tos los enteresáus en qu'el estremeñu siga vivu, podremus golvelus rialiá.