Jakarta

From Minang

Jakarta adolah kota nan ambo (Darul Makmur St. Parapatiah) singgahi sawaktu kapai marantau manambah ilmu. Ambo mandaraikan kaki disiko pado tanggal 13 Desember 1972. Ambo turun dari kapa Bogowonto nan mambao badan dari Taluak Bayua.

Dari Jakarta ambo malanjuikan perjalanan ke Kudus via Banduang dan Semarang. Di Banduangkolah lidah mbo muloi kaget sewaktu makan luhua di lapau di terminal Kebun Kelapa. Sadoan nan dicubo indak bisa dilulua.

Satalah malalui kawah chandra dimuka di Semarang setahun kemudian (1974) ambo mamuloi maraso hiduik nan sabana iduik di induak koto Betawi. Dari kampuang mungkin indak tabayang sikola ka mancari pitih sandiri. Tapi dek tapaso bisa juo dijalani. Walau ado urang nan maotakan dikampuang, nan sampai manangih biai ambo mandanga: "Nan jano sikola di Jawa, manggaleh di halte bis nampak diden"

Alah hampia habih umua nan iduik dilanjuikan di Jakarta taruih (KTP), walau manggaleh sampai melalangbuana. Sampai kaateh ikan basi bagai.