Estrepeya:Cómu edital un indirgui
From Estrepeya
Revision as of 13:44, 2 February 2007 by 88.16.16.235 (Talk)
Template:FAQ Esta Ayúa trata de respuender a las custionis frecuentis acerca de la edición n'Iventia. Pa más información, cunsulti l'apartáu d'edición de la Wikipedia n'español.
Contents |
¿Comu puéu editar una página?
- Devi jazessi click ena pestaña d'Editar situá al comienciu de l'artículu, ena jilera de pestañas uvicás sobri'l títulu, ó en cualisquiera enlacis d'edición [edit] qu'apaecin enas cabeceras de las secionis, á la direcha de las mesmas. Cun ellus puein criassi enlacis, usar carauteris en negrina ó en cursiva, enlaciar imáginis y munchas otras cosas.
¿Comu puéu criar enlacis?
- Un enlaç é'l nombri dun artículu uvicáu dientru dun dobli corcheti. É pussivli tamién criar l'enlaç cun testu diferenti al qui amuestra'l propiu enlaç, cumu pur ehemplu:
- [[Nombri de l'artículu]] -- enlaç normal
- [[Nombri de l'artículu]]s -- el sufiju añadíu (nesti casu, la letra s) apaeç cumu parti de l'enlaç.
- [[Nombri de l'artículu|dotru nombri]] -- oculta el nombri de l'artículu y amuestra cualquier otru testu escuegíu nel su lugar (utilízalu cun muderación, y enjamás añadas testu cumu "¡jaz click equí!").
- [[Nombri de l'artículu (dissambiguación)|dotru nombri]] -- el "trucu cuntestual": la parti ente paréntesis nu s'amuestra.
- Pa tous estus enlacis nu é necessariu colocar guionis bajus ("_") pa actuar cumu separtaoris cumu pueis ver en dalgunus enlacis. Los espacius tamién desempeñan la mesma función, y nu originan provlemas a l'enlaciar.
¿Comu puéu renombrar una página?
- Los usuarius puein tresladar páginas. Istu muevi'l caltiníu de las mesmas y el su hestorial d'edicionis a un nuéu títulu, en criandu una redireción nel antigu títulu que cunduz al nuéu. Esti métodu é más efeutivu que copiar y pegar el caltiníu a manu, presirvandu assina l'hestorial d'edicionis de l'artículu. Pa muever un artículu has utilizá-la pestaña de Tresladar. Una vezi qu'haigas muevíu l'artículu, pur favor, jaz click sobri l'enlaç Lu qu'enlacia equí qu'apaeç a la isquierda, y corrigi los enlacis que cunduzían pa jaza'l títulu antigu (qui apaecerá marcáu cumu una redireción), qu'apaecin ena lista proporcioná.
- Las imáginis y dotrus archivus multimedia nu puein ser renombraus. Pueis jazer una copia de l'archivu al tu propiu sistema, renombralu ellí, y altoncis subilu cul nuevu nombri. Corrigi tolos enlacis que siñalin a l'antigu nombri, en jiziendu que cunduzan al nuéu nombri, y tres distu marca l'archivu antigu cumu archivu pa borráu rápidu, pa que assina un alministraor puida borrala pur tí.
¿Comu puéu borrar una página?
- Anti tou, nu branqueis la página. Los branqueus de páginas suelin ser rápidamenti revertíus, de jorma que é un procedimientu inútil. El procedimientu pal borráu de páginas devi siguisi cumu el de los archivus multimedias, lleváu á cabu por alministraoris; los usuarius puein recomendá-la su eliminación.
¿Comu puéu editar una página de redireción?
- La jorma más senciella d'editar una página de redireción é pulsandu l'enlaç qu'apaeç embaju'l títulu de l'artículu cuandu llegas pur mé duna redireción "(Redirigíu des de ...)". Pur ejemplu, si tratas de llegar á Cántabru-Estremeñu, sedrás redirigíu á l'artículu cántabru-estremeñu, ondi justu embaju del títulu verás el testu "(Redirigíu des de Cántabru-Estremeñu)". En pulsandu nessi momentu sobri l'enlaç del Cántabru-Estremeñu llegarás a la redireción, ondi puirás editala.
¿Comu puéu cumprevá-los cambius d'otrus usuarius nun artículu?
- El software MediaWiki puei criar una lista qu'amuestra los cambius ente dos versionis dun artículu (tantu ente dos versionis cunsecutivas cumu entre la versión actual y una anterior). Istu apaeç reflejáu ena página de l'hestorial de ca artículu, a la que pues aceder a traviés d'una de las pestañas superioris. Pa cumprevar los cambius ente dos versionis, sólo has marcá-las edicionis que quieis cumparar y jazer click en Cumparar versionis selecionás. Nesta cumparancia, denominá diff, s'amuestran en ruyu los cambius que s'aprecian ente dos edicionis selecionás.
¿Comu puéu colocar imáginis nun artículu?
- Anti tou, has tener el permissu pa la puvlicación de la imagin, lu cualu sinnijica que ó bien eris el criaor de la imagin, y pur tantu posseis el su copyright, ó bien perteneç al dumiñu púvlicu ó ta liverá cun una licencia de códigu abiertu. Si la imagin s'alcuentra alojá nun sirvior de la tu propiedá, pueis referenciá-la imagin des de l'artículu d'Iventia simplimenti añadiendu el vínculu URL, cumu indica esti ejemplu:
- http://mi.sirvior.com/imagin.png
- Desta jorma, el vínculu sedrá incluyíu nel artículu, si bien nu apaecerá cumu una imagin, sólu cumu un enlaç. Si en lugar dissu desseyas subir una imagin a Iventia, pues usá-la opción "Subir archivu" (upload file) qu'apaeç nel menú de la isquierda, siempris cumu usuariu registráu. Una vegá que la imagin seya subía, pueis referila al tu artículu d'Iventia cumu s'amuestra embaju, n'insertandu una llamá á la imagin ente doblis corchetis.
- [[Image:Nombri de la tu imagin.jpg|Testu descriptivu de la imagin]]
