Badahó
From Estrepeya
| |||||
| País | España | ||||
| · Comuniá Autónoma | Estremaúra | ||||
| · Provincia | Badahó | ||||
| · Comarca | de Badahó | ||||
| Ubicación | 38°52′ 59 N°006′ 58 | ||||
| Artitú | 185msnm | ||||
| · Distancia | 404 km a Madrid | ||||
| · Superficie | 1.500 km² | ||||
| Hundación | 875 dC | ||||
| Población | 148.769 hab. (2006) | ||||
| · Densiá | 93 hab./km² | ||||
| Hentiliciu | Pacense | ||||
| Cóigu postal | 060XX | ||||
| Alcaldi | Miguel Celdrán (PP) | ||||
| Sitiu web | www.aytobadajoz.es | ||||
Sa Martín de Trevellu é un municipiu da provincia de Cáceris, Estremadura, España y está situáu nu estremu N.O. da mesma, nu interiol da Serra de Gata (ente As Hurdis y a fronteira purtuguesa). A altura da villa é de 610 metrus y fállassi enclavá nun valli á us pes du monti Xálima ou Hálama (1492 m), a superfici total du términu abarca us 23.82 kilómetrus cuairaus.
Contents |
Historia
Da fundación de Sa Martín de Trevellu cumu pobu se sabi poicu, aunque non pudu sel antis du siglu IV, pul nomi de Sa Martín, santu que viviou nessi siglu. U primitivu nomi era Sa Martín dus Viñus y dispois da promulgación dun foru en 1230 se li chama Trevellu. Foi Sa Martín antigua capital de Corregimentu de Xálima y séi du Comendaol da Ordin de San Juan de Jerusalén y cabeça de julgáu hasta 1826. Na zona se sostuvierin abondas guerras sangrientas, tal é u casu d'Alfonsu VII, que tomóu a Ciai de Coria nu 1142. Fernandu, sei fillu, que repobóu a comarca, de Ciai Rodrigu fhasta esta Serra, a cuia diócesis pertenecióu Sa Martín fhasta meiaus desti siglu y á provincia de Salamanca fhasta 1833; tras istu, vinierin a repoboal as terras tomás as gentis du antigu Reinu de León. Cun esta repoboación se crei que naceu a curiosa lengua du val denominá "a fala", falá tambén nus municipius colindantis (Ellas y Valverdi du Fresnu). Á varianti local se a chama "mañegu".
Arquitectura popular
Sa Martín de Trevellu é "Ben d'Interés cultural cun a categoría de Cunjuntu Históricu", galardón recibíu pul a boa cunsirvación da súa arquitectura. A vivenda tradicional se caracteriza por tel au minus dois alturas y una planta baixa ou budega ondi se guardaba u ganáu. Sobri esta planta baixa, que sueli sel de peira, s'elevan, sobri un entramáu de maeira y adobi, as oitras dois plantas que son a vivenda y u desván. Pa accedel a u primel pisu, antecediendu ás escaleiras interioris, solin encontrassi poius de cantería. Junta estas vivendas essistin casas señorialis cun us seis correspondentis escudus d'armas.
Essisti un arroiu d'agua escaváu nas callis que flúi duranti tou u anu, y que é aproveitáu á salía du municipiu pa u regadíu. Cabi destacal u recorríu desti regatu pulas callis Ciai, Correira, Fonti, Guardia Civil y Hospital pul sei interés arquitectónicu.
Monumentus y lugaris d'interés
- Igresia Parroquial de Sa Martín de Tours, nu centru da Villa; fermosíssimu edificiu de tres navis y que guarda tres tablas du pintol pacensi Luis de Morales "U Divinu" del siglu XVII.
- A Torri Campanariu na Praça Maiol, de gran belleza, que posei un escudu imperial.
- U Cunventu de Sa Miguel, fundáu pul bula en 1454, conventu franciscanu, se li atribúi a súa fundación a Sa Franciscu d'Assís.
- Diversas Casas-Palaciu repartías pul u cascu antigu: a du Comendaol, Ojestu, etc.
- Ermita da Cruzi Bendita, Cordeiru... cun imágis de gran valol.
- Praça Maiol Porticá y fonti ou pilón nu centru.
- Estelas funerarias, aras e ídolus, localiçaus ente u Bronci final y a principius da Edai de Ferru, a començus du primel mileniu a. de C.
- Choçus dispersus pul tou u términu.
- Antiguas neveiras ondi guardaban en tempus immemoriais a nevi pa baixala au pobu en verán.
- Pilas pa fazer u viñu escavás nas roucas.
- U cunventu de Sa Miguel, fundáu pul recomendación de Sa Franciscu d'Asís que au passal pul u artu de Santa Clara y vel u sitiu (añu 1214), a tradición dizi que li siñalóu u Santu óndi abría de fazessi u cuventu. Nu anu 1454 u papa Nicolás II autorizóu a custrución du cunventu que conocemus actualmenti y ondi ja funcionaría dalgún emeritazgu mantíu pul a tradición...
Festas locais
Festa n'honol a Sa Martín de Tours
Esta festa se celebra us días 11 y 12 du mes de nuviembri n'honol a u patrón da localiai, Sa Martín de Tours. U más destacabli desta festiviai é a celebración da misa cantá na Igresia de Sa Martín de Tours. Tras a eucaristía, y n'honol a u santu patrón, us viziñus de Sa Martín de Trevellu sain en processión acumpañandu au santu pul diversas callis du municipiu. Au terminal esta processión, us viziñus acuntinan a festa pul us baris du pobu y, posteriolmenti, se catan us viñus novus nas distintas budegas (ou "pichorras" en "mañegu") da localiai, marcás pa a ocassión cun una rama d'olivu na porta.
Pula tardi, na praça solin ponessi distintas atraccionis y postus pa u disfruti dus mais pequenus. U día anteriol á festa, y au toqui das campanas, sain us gigantis y cabeçúus pul as callis du pobu acumpañaus pur tous us mozus da localiai.
Festa da Cruzi du Emigranti
Día da Vera Cruzi
Referencia
Martín de Trevejo San Martín de Trevejo, da Wikipedia n'español.
