Badahó

From Estrepeya

Revision as of 07:04, 1 February 2007 by Admin (Talk | contribs)
Badahó
Escú de Badahó
País España
• Comuniá Autónoma Estremaúra
• Provincia Badahó
• Comarca de Badahó
Ubicación 38°52′ 59 N°006′ 58
Artitú 185msnm
• Distancia 404 km a Madrid
• Superficie 1.500 km²
Hundación 875 dC
Población 148.769 hab. (2006)
• Densiá 93 hab./km²
Hentiliciu Pacense
Cóigu postal 060XX
Alcaldi Miguel Celdrán (PP)
Sitiu web www.aytobadajoz.es

Badahó es una ciá española situá nel suroesti la Península Ibérica, a orillas del riu Guadiana, unta Purtugal. Es la capital de la provincia omónima. Es amás el mayol y más pobláu núcleu urbanu d'Estremaúra, con 148.769 abitantis (hormi el censu municipal a 10-10-2006). El su clima es oceánicu continental con ibielnus frescus (con una meya de 13,9° de máisima y 3,2° de ménima en eneru), i veranus calurosus (entri 34,3° i 17,0° de meya en hulio), con máisimas asolutas que superan los 40° tolus añus (45,0° el 1 d'agosto de 2003). La su economía se basa nel setol servicius, en huendu gran enlaci comercial pal suroesti la Península Ibérica.

Contents

Estoria

Badahó hue hundá nel 875 pol rebeldi mulaí Ibn Marwan, inqui los primerus asentamientus umanus pahin arremontalsi pala prestoria.

Golia e la Praza Arta de Badahó.

Froreció una próspera ciá aína, en huendu la más emportanti hundá rondaenti polus ispanuárabis. Tuvu perióus d'independencia, comu la épuca ena cuala la gobernarun los Marwan, u la de los reinus taifas. A la épuca e la primera Taifa preteneci la Torri d'Espantaperrus, d'orihin almohade i pranta otogonal, costruíu en 1169 (Guía Campsa).

La Taifa de Badahó]] golviósi la más estensa entri tolas taifas de la península. Abadaba nu Estremaúra namás, sinu tamién una güena parti Purtugal, encluía Lisboa i los lindis col Dueru.
Reinus de Taifas ena península Ibérica pal 1030

La ciá hue conquistá pol Alfonso IX, rei de Lión, el 19 de marzu de 1230.

Aluu de pasal un perió d'ecaencia, nel cualu la ciá se queó güera, Badahó tuvu una renacencia pol mé la su condición de ciá rayana.

Endi la ciá salió Felipe II en 1580 pa anesionalsi Purtugal, inti nel cualu la corti muosi a Badahó, ondi espenó la reina Ana d'Austria.

Endi 1580 ata hata 1640 la asencia de guerras hadi frorecel la ciá denuevu.

Nuevaenti la ciá s'atopó con un perió de guerras. Primeru la guerra de Restauración Purtuguesa, i endispués, la guerra de Sucesión española. En dambas dos recebió numirosas hiendas i aseyus. Pol esti motivu la ciá nu tieni grandis eificius que s'enhieltasin nel tiempu. En chambu abemus eredáu las soberanas murallas del complehu abaluartáu d'estilu Vauban que recadaban la ciá.

Duranti la Guerra d'Independencia Española, ya nel sigru XIX, la ciuá paeció tres aseyus: nel primeru, Badahó hue tomá —pol primel vedi ena su estoria— polus francesis. El segunderu hue aconllegáu polas tropas aliás i prevocó la Batalla e l'Albuera. Nel trecel, en 1812, las topas inglesas arrecuperarun la ciá, enliándusi a arrepañal en trevehil aluspués la toma.

El acaberu el sigru XIX i el esmienzu el sigru XX es una etapa de gran crecimientu de Badahó. S'aconllegarun destacáus labutus d'arquitetura nel centru la ciá; criárunsi barrius estramurus (San Fernandu i San Roqui) , i pranteósi el esgalazu el recintu amuralláu, hechu que nu idríe a acontecel hata 1931 col abrieru e tres hochis.

Duranti la Guerra Civil, Badahó hue tomá veintiochu días endispués el eniciu el alevantamientu milital, aluu la Batalla de Badahó. Cola conquista e la ciá, la trupi alevantá puu comunical la su parti norti cola parti sul.

Aluspués la guerra, la ciá acontinó creciendu con rimu abondu hata la decaa de 1960, épuca de grandis migracionis a algotras regionis españolas i algotrus paísis uropéus. Duranti las décaas siguientis, la ativiá económica predominanti e la ciá volucionaríe endi el setol primariu al terciariu.

En noviembri de 1997, una riá estrució varias barriás, prevocandu la muerti de ventiós presonas.

Uguañoti Badahó es la mas grandi i dinámica e la Comuniá Estremeña, con un área d'enfluencia superiol al millón i meyu abitantis, i liera la su economía.

Clima

Badahó tiení un clima meiterráneu continental con enfluencia atlántica, pol mé la celcanía e la costa purtuguesa.

Los ibielnus inviernos son suavis, con ménimas que ralaenti ahorran de los 0°, i los veranus son calurosus, con máisimas qu'en ocasionis superan los 40°. La temperatura máisima e la estoria diosi el 1 d'agostu de 2003 con 44,8° nel oservatoriu e Talavera la Real i 45,0° nel de l'Universiá.

Tantu la umeá comu los vientus son reucíus. Tanto la humedad como los vientos son reducidos. Nu estanti, alicuandu apaíci ñiebla.

File:Clima Badajoz (Badajoz).PNG
Climograma de Badajoz (Talavera la Real)

Economía

El setol serviciu es el dominanti ena ciá. El comerciu otieni clientis de la provincia i de Purtugal, en 2006 s'inaguró una nueva estalación de la Estitución Ferial (IFEBA) unta el lindi e Caya.

Tamién arreprehenta un emportanti ñu e comunicacionis col país vecinu, pandi está prevíu la costrución duna Pratahorma Lohística i la llegá el tren d'Arta Velociá pal 2010.

La ciá cuenta mesmaenti con un aerupuertu, situáu a 14 km de la ciá, Palaciu e Congresus i parqui d'ociu i d'atracionis (Lusiberia).

Lugaris d'interés

Monumentus

  • Puerta e Palmas
  • Puenti e Palmas
  • Alcazaba e Badahó
  • Torre Espantaperrus
  • Catedral de Badahó
  • Recintu abaluartáu e Badahó
  • Praza Arta
  • Parqui e Castelal
  • Hiralda e Badahó
  • Palaciu e Congresus de Badahó
  • Estitución Ferial Badahó


Muséus

  • Muséu Estremeñu e Iberuamericanu e Arti Contemporanu, MEIAC.
El MEIAC arrehunta colecionis d'artistas españolis, purtuguesis e iberuamericanus.
Hue inauguráu el 9 e mayu e 1995. El eificiu está situáu nel solal depatrás de la Carci Previntiva i Correcional de Badahó, de la que previvi el su eificiu cerculal, c'a su vedi iba síu costruíu a meyáu los añus cincuenta sobri el recintu dun baluarti milital duguañoti, del sigru XVIII, hucheáu Huerti e Pardaleras.
  • Muséu e Bellas Artis
Situáu unta la Praza e la Soleá.
  • Museu e la Ciá "Luis de Moralis"
Costruíu sobri la supuesta casa el pintol barrocu, repasa amenaenti l'estoria e la ciá endi los sus orihinis. Emprescindibri vesitalu pa diquelá l'estoria i el prehenti e Badahó.
  • Museu Arculóhicu Provincial
Emprazáu endrentu la mayol alcazaba d'Uropa, el Muséu Arculóhicu contieni piezas d'induabri interés, dentro de la mayor alcazaba de Europa, el Museo Arqueológico contiene piezas de indudable interés, provinientis de tolos lugaris de la provincia. El eificiu que los rincones de la provincia. El edificio que l'alberga, el Palaciu el duqui e Feria, es una alaha muehal del sigru XVI.
  • Museu Catedraliciu
Ubicáu ena Catedral de San Húan, de singulal horma e hortaleza. El su interiol sorprende sobri tó pol la riqueza e las piezas i pol componenti estóricu que tienin.
  • Muséu Taurinu
Situáu nel centru la ciá, arrecohi cartelis, afotus i ohetus del mundu taurinu.

Festivales de cine

Anualmente se celebran diversos festivales de cine:

Fiestas

Personajes Ilustres

Los orígenes del astronauta Miguel Ángel López Alegría están en la ciudad; en 1995 llevó a bordo del transbordador Columbia un facsímil del libro de Ordenanzas de Badajoz.

Barrios de la ciudad

Los principales barrios de Badajoz son:

Ciudades hermanadas

Véase también

Enlaces externos

Template:Commonscat

Categoría:Badajoz Categoría:Localidades de Badajoz Categoría:Ducados

ar:باداخوز br:Badajoz ca:Badajoz de:Badajoz en:Badajoz eo:Badaĥozo et:Badajoz eu:Badajoz fi:Badajoz fr:Badajoz it:Badajoz ja:バダホス lad:Badajoz nl:Badajoz (stad) pl:Badajoz pt:Badajoz ru:Бадахос sr:Бадахос sv:Badajoz

Retrieved from "http://editthis.info/estrepeya/Badah%C3%B3"
Personal tools