Ginevra18
From Diwygiad
Combien quil ny ayt qune seule Eglise de Iesuchrist, toutesfois nous recongnoissons que la necessite requiert les compaignies des fideles estre distribuees en divers lieux, desquelles assemblees une chacune est appellee Eglise. Mais daultant que toutes compaignies ne sassemblent au nom de nostre Seigeur, mais plustost pour le blasphemer et polluer par leurs sacrileges, nous entendons que la droicte marque pour bien diserner lEglise de Iesuchrist est quant son sainct Evangille y est purement et fidelement presche, annonce, escoute et garde: quand ses sacremens sont droitement administrez, encores quil y ayt quelques imperfections et faultes, comme tousiours il y en aura entre les hommes. Au contraire la ou lEvangille nest declaire, ouy et receu, la nous ne recongnoissons point forme dEglise. Et purtant les Eglises gouvernees par les ordonnances du pape sont plustost synagogues du diable que Eglises chrestiennes.
